ماتقولوش الطيبة ماتت
صورة فجأة جت وراحت
ماتقولوش الطيبة ماتت
كنت فاكرة عيونى نامت
كل حاجه حلوة راحت
قالوا مات
وياه كمان الطيبة ماتت
أصعب احساس لما الواحد يلاقى نفسه متهم من غير ما يعمل اى حاجه تخليه محل الاتهام
والأصعب لما نفضل نضحى ونتحمل حاجات غصب عننا بنتحملها علشان انسان وفى النهايه ما نلاقيش غير جحود ونكران
اما الاكتر من كده بقى لما نقعد نبكى لوحدنا والانسان الوحيد اللى كان بيمسح دموعنا نلاقى دلوقتى هو سبب بكانا
بنصرخ من غير صوت لان الانسان اللى كان بيهون علينا وبيسمعنا هو دلوقتى السبب فى صراخنا وألمنا
احساس فظيع مرارته ما تتوصفش لما نحس بالوحده وماتلاقيش اى حد جنبك لانك ببساطه خليت كل ناسك واهلك فى شخص واحد وبسهوله الشخص ده يسيبك ويقولك سلام
حد يقول بجد ذنبى ايه
كل ذنبى انى حبيتها بجد شوفتها أخت وصديقة ومهما كان بيحصل منها كنت برضه حبى ليها كان عايش جوايا ومع ذلك لمجرد سوء فهم انا مليش ذنب فيه او جايز اكون فعلا غلطت بس بدون قصد فهمت انى بكده جرحتها مع انى انا اللى اتأذيتت مش هى
ليه الانسان لما بيخلص لحد اوى بيبيعه بسهوله اوى وليه لما بنحب حد اوى بيكون اول حد يكرههنا واول حد واقفلنا على الغلطه واول حد يكون لينا القاضى والجلاد فى نفس الوقت
ليه الناس وشوشها بتتغير وليه الحلو ما يفضلش حلو على طول وليه الخير اللى بيبقى جوانا مابيفضلش على طول وليه دايما بنختار غلط ومع ذلك بنرجع نسامح ونغفر وبرضه الاختيار الغلط بيطغى على الانسان وبيضيعه ومع ذلك قلوبنا ما بتعرفش تكرهه وبنفضل نتعذب علشان بنحب
عذابى كله انى مش قادرة اكرهه لسه بحب وهفضل احب ومش هحاول اعلم قلبى يكرهه مهما كانت الظروف
Roshy
رساله لمن أحب
رساله الى أحن قلب
رساله الى رموز الحب
رساله لأم وأب
******
رساله اليك يا أمى
يا من تحمليين همة
يامن تمسحيين دمعى
يا من تزيدين علمى
******
رساله إليك يأبى
يامن ينير دربى
يامن سكن قلبى
يامن علمنى حبى
لرسولى الكريم ولربى
Roshy
Roshy
من وقت للتانى بروح على مكتبى اللى مليان بالحاجات
أفتح درج درج فيه أرتبه وكل مرة بلاقى مفاجآآت
درج فيهم مليان كتب ملهاش علاقة ببعضها
فيهم كتاب مليان حكم من زمن وكتاب بيقول نكت
درج تانى مليان ورق وحاجات كتير معرفش ايه
أما الكبير فكان لوحده مش حكاية دى حكايات
مليان حاجات متكركبه معاها عشت أجمل ذكريات
سبت نفسى وقولت اسرح ويا دى الحاجات
الدرج فعلا كان كله هدايا وحكايات
شوفت صورة من صديقتى بس صورة ماضى فات
فيه كمان وردة وريحانه ... بس ياااااااه ع الذكريات
وادى ورقه فيها كلمة من مدرس بس مات
كان كاتبلى كلمة حلوة فيها كل الأمنيات
ده كمان صندوق صغير فيه عقارب للساعات
وادى قلب كان جايلى فى عيد ميلادى اللى فات
وادى عقد بس مفروط منه .. حبه .. اتنين .. لا حبات
اما دى فكانت ورقة لامتحان ضمن الامتحانات
ده امتحان معاه هديه وعليها اهداءات
فيه كمان شوية لعب مش كبيرة دى لعيبات
وادى نوته فيها ارقام تليفونات
كل ده مش غريب الغريبة الذكريات
وياااااااااااااااااااااااااه ع الذكريات
Roshy
حبيبتى حبيبتى يامصر
لأنك حضارة مهو انتى الأصل
بحبك ياغالية رغم المقاسى
بحبك وبرضه هفضل أحبك
ماهو انتى اللى فيكى حبايبى وناسى
هعلم ابنى برضه يحبك
وبنتى كمان هتفضل تحبك
جيل بعد جيل هيفضل شاهدلك
بالخير اللى عندك ونيلك ونبضك
عارفه حبيبتى انى ظلمتك
لما سبت اللى نهبوا ارضك
عاشوا حياتهم سرقوا خيرك
سموا زرعك باعوا نيلك
لكن حبيبتى راجعلك حقك
هاخد بتارك وتار شهيدك
ضحى بدمه كان رافض زلك
دلوقتى ابنك اللى من صلبك
هو اللى ناهب خيرك وزرعك
بتسألينى إن كان راضينى ؟!!
ما انتى شايفه الجواب فى عينى
عمر الكلام ماكان يكفينى
ولا حتى وعود بتملى عينى
صدقينى هرد خيرك
من تانى راجع ليكى طيرك
اللى هاجر سنين طويله
هاجر وساب فيكى حنينه
لكنه راجع يرد دينه
قال لايمكن اعيش اسير
وكفاية ضاعت منى سنين
ضيعت عمرى فى ارض غيرى
وسيبت ارضى اللى فيها خيرى
راجع لبلدى اللى منها صلبى
واللى ليها بعيش بقلبى
بحبك يابلدى
بحبك يامصر
Roshy
بينما كنت اتجول بين الورود والأزهار
وجدت عصفوريين بألوان تسر العيون
عصفوريين يلهو بين الينابيع والأنهار
بين اشجار واشجار ويستقرون عند شجر الليمون
من بداية الشروق وحتى نهاية النهار
لا يفكرون ببرد ولا مطر او غيوم
فى سباق هم ومرح تاركيين انفسهم للأقدار
فما كتبته لهم أقدارهم هو ما سيكون
حلو كان هو او سيكون مرار
فتلك هى مشيئة الاله وهكذا تكون
عصفوريين فى عيون الناس صغار
وفى قلوب العاشقيين هم معلمون
فى عرف البشر للحب عمر
وعند عصفورين ليس للحب اعمار
متى دق القلب تحب العيون
فحبهم لا يعرف صغار او كبار
حب بعيد عن الهموم
او خوف من صياد يترصد بالنار
Roshy