الشوارع حواديت...جاهينيات

الشوارع حواديت

حواديه الحب فيها

وحودايه...عفاريت

اسمعي يا حلوة لما اضحكك

الشارع دا كنا ساكنين فيه زمان

كل يوم يضيق زيادة عن ما كان

اصبح الآن بعد ما كبرنا عليه

زي بطن الأم مالناش فيه مكان

الشوارع حواديت

حودايه الحب فيها

وحودايه...عفاريت

اسمعي يا حلوة لما أضحكك

الشارع دا رحنا فيه المدرسة

اللي باقي منه باقي

واللي مش باقي...اتنسى

كنسوه الكناسين بالمكنسة

ييجي دور لحظة أسى

أنا برضه كمان نسيت

والشوارع حواديت

حودايه الحب فيها

وحودايه...عفاريت

اسمعي يا حلوة لما أضحكك

الشارع دا أوله بساتين

وآخره حيطة سد

ليا فيه قصة غرام

ماحكيتش عنها لأي حد

من طرف واحد...وكنت سعيد أوي

بس حراس الشوارع حطوا للحدودته حد

الشوارع حواديت

حودايه الحب فيها

وحودايه...عفاريت

اسمعي يا حلو لما أضحكك

الشارع دا شفتك إنتي ماشية فيه

لابسة جيب...وبلوزة وردي

وعاملة ديل حصان وجيه

اتجاهك اتجاهي...مشينا ليه

والشارع دا زحام وتيه

بس لازم نستميت

والشوارع حواديت

حودايه الحب فيها

وحودايه...عفاريت

واضحكي يا حلوة لما اسمّعك

وعجبى

صلاح جاهيين

طعنات

صرخات تدوى فى الاجواء
طعنات اقوى من غدر الاعداء
فهى غدر من قلب الوفاء
ضربات من رمح الاصدقاء
داء ليس منه شفاء
فلا تبحث عن الدواء
واصنع لنفسك رداء
يوارى صوت البكاء
لا تبحث عن النقاء
فى زمن قل فيه الاوفياء
فتلك قمة الغباء
ان تلقى بقلبك الى الفناء
وتجد قلوبا تملأها أصداء
وجوه تبرزها الاسماء
ومناصب ذات اهواء
وتظل تبحث فى الفضاء
وتستمر بكل عناء
لتقوى على البقاء
فتجد طعنات اقوى من غدر الاعداء
فهى غدر من قلب الوفاء

Roshy

هواجس حلم

ليتنى ما بدأت الصعود حتى اسقط دون الهاوية

ليتنى ما نظرت خلفى فسقتطى لم تكن القاضيه

ليتنى ما سلمت نفسى لخوف من ايام آتيه

فخوفى اضاع منى سنين عاتيه

سقطت ولم اعرف مصير ونهايتى ها هى

بلا نهاية اخشى ان تكون قاسيه

اخاف على نفسى من سهام راميه

تصيدنى من منتصف طريقى

او اقف على ممرات باليه

تأخذنى فتبعدنى عن قلوع عاليه

سموت لها مره ومرة ثانيه

اخشى ان تكون تلك ضربتى القاضية

Roshy

بيقولوا حمار

شاوروا عليا وقالوا حمار
فاكرينها دى عار
ناقص يذيعوها فى الأخبار
طب ما انا اصلى حمار
وده سر سعادتى ليل ونهار
انا مش انسان ظالم جبار
ولا برمى اخويا جوه النار
ولا بتغرينى كتلة اصفار
قدام الواحد عدت امتار
علشان احتار
من ملايين عملت مليار
ما أنا أصلى حمار
شغلى فى أرضى يفيض انهار
وانا مش هنهار
لو تعبى مرار
مادومت فى ارضى هدى بإصرار
يقولوا هتموت مش منه فرار
ارد واقول كلها اقدار
ماهى اعمار
ومش هختار
ما أنا اصلى حمار

Roshy

أسعى يا آدم

قالوا يا ادم عد نعمك
قال يارب طمعان فى كرمك
قال اسعى ياعبد وانا اسعى معاك
شيل من تحت دماغك كسلك
شوفلك شغله وابعد جهلك
تستر بيتك وتعول اهلك
تخدم نفسك وترفع بلدك
تنشل نفسك من عتمة جحرك
تطلع منه على نور ربك
وقت ما تدعى وتقول محتاجلك
هيسخرجلك ميت من ساعدك
لساك شاب فى عز عفيتك
ليه مستخسر فى بلدك ايدك
مد ايديك بسرعه فى ايدنا
يلا تفيدنا واحنا نفيدك
اخدم بلدك قد ماتقدر
ولا تستخسر فيها عفيتك
Roshy

مسرح الحياة

الدنيا دى زى المسرح
كل واحد بيقوم بدور
ناس تحب وناس يتجرح
فيها ظلمه وفيها نور
عيون بتبكى وعيون بتفرح
ناس بتجرى تخطى سور
فيها ضحكه معاها نسرح
وفيها غش وكمان غرور
على الخشبه ناس للنور بتلمح
وناس عايشه بين جحور
لكن قولبنا صعب تسمح
نعيش فى وحده بين بحور
واخدين قرار نطير ونسرح
جناحتنا حره زى الطيور

Roshy

الناس وهوانا

عيون الناس شايفانا
مكان مانروح مراقبانا
نبعد عنها برضه ورانا
ياناس سيبونا وأمانه
خلونا نعيش لهوانا
ونقول إيه جوانا
هنخطف الدنيا معانا
وعيون قمرنا السهرانه
والثانيه هتطول ويانا
والبرد نغطيه بدفانا
ونعيش افراحنا وهنانا
ونداوى جروحنا وبكانا
ودموعنا نسيبها ورانا
والفرحة تكون مصاحبانا
والدنيا معانا موعدانا
بالضحكة الحلوة وغنانا
ونجومنا هتظهر فى سمانا
خلاص مابقتش معاندانا
سيبونا ياناس وأمانه
خلونا نعيش لهوانا

Roshy

ضحكة من القلب

قالولى اضحك دى الدنيا حلوة
ضحكت ضحكة من القلب طالعه
وفى وسط ضحكى نزلتلى دمعه
مد ايده مسحها ليا
وبصوت حنين غنالى غنوة
ورجعت تانى رسمت بسمه
على خدى ظهرت سرور وفرحه
والدنيا ليا بقيت مسامحه
بعد ما كانت دايما معانده
حتى القلوب مابقتش جارحه
مابقتش ارض بور وفاضيه
دلوقتى فيها خير وصالحه
والخصام ملهوش مكان
بقيت تدور ع المصالحة
وفى المساعده تملى ناجحه
خلونى شوفت الدنيا حلوة
والضحكة بقت من قلبى طالعه

Roshy

إغتراب

عاوزة أحكى حكايتى
وياريت تسمعنى
وكمان تفهمنى وتقدرنى
عاوزاكى معايا
وتكونى ورايا
ما انتى مرايتى وانتى حمايتى
عاوزاكم جنبى
الاقيكم سندى
عاوزة احكى حكايتى
انا عاوزة اتكلم
علشان بتألم
أنا عايشه لوحدى
ولنفسى بلملم
محتاجه الصحبه
انا نفسى اتعلم
عاوزة تحسونى
من غير ما اتكلم
لحبى تبادلونى
وبلاش اتندم

Roshy

صرخة قلب فلسطينية

يا طفلتى عودى إلى
أشتقت لبراءتك
افتقد ابتسامتك
غابت عنى رقتك
ياطفلتى عودى إلى
لم اعود أطيق غيابك
اقف وحيدة على بابك
أسمع صوتك بين العابك
ياطفلتى عودى إلى
عودى الى اوطانك
أغمرينى بحنانك
كفكفى دمعى بين أحضانك
ياطفلتى عودى إلى
لم يعد للدنيا وجود
نسيت حتى الصمود
ربيعى افتقد الورود
ياطفلتى عودى إلى
حياتى بدونك بلا حياة
كلامى اصبح كله آآه
وليس لدى سوى المناجاه
ياطفلتى عودى إلى

Roshy

تجربة

أصعب احساس لما الواحد يلاقى نفسه متهم من غير ما يعمل اى حاجه تخليه محل الاتهام
والأصعب لما نفضل نضحى ونتحمل حاجات غصب عننا بنتحملها علشان انسان وفى النهايه ما نلاقيش غير جحود ونكران
اما الاكتر من كده بقى لما نقعد نبكى لوحدنا والانسان الوحيد اللى كان بيمسح دموعنا نلاقى دلوقتى هو سبب بكانا
بنصرخ من غير صوت لان الانسان اللى كان بيهون علينا وبيسمعنا هو دلوقتى السبب فى صراخنا وألمنا
احساس فظيع مرارته ما تتوصفش لما نحس بالوحده وماتلاقيش اى حد جنبك لانك ببساطه خليت كل ناسك واهلك فى شخص واحد وبسهوله الشخص ده يسيبك ويقولك سلام
حد يقول بجد ذنبى ايه
كل ذنبى انى حبيتها بجد شوفتها أخت وصديقة ومهما كان بيحصل منها كنت برضه حبى ليها كان عايش جوايا ومع ذلك لمجرد سوء فهم انا مليش ذنب فيه او جايز اكون فعلا غلطت بس بدون قصد فهمت انى بكده جرحتها مع انى انا اللى اتأذيتت مش هى
ليه الانسان لما بيخلص لحد اوى بيبيعه بسهوله اوى وليه لما بنحب حد اوى بيكون اول حد يكرههنا واول حد واقفلنا على الغلطه واول حد يكون لينا القاضى والجلاد فى نفس الوقت
ليه الناس وشوشها بتتغير وليه الحلو ما يفضلش حلو على طول وليه الخير اللى بيبقى جوانا مابيفضلش على طول وليه دايما بنختار غلط ومع ذلك بنرجع نسامح ونغفر وبرضه الاختيار الغلط بيطغى على الانسان وبيضيعه ومع ذلك قلوبنا ما بتعرفش تكرهه وبنفضل نتعذب علشان بنحب

عذابى كله انى مش قادرة اكرهه لسه بحب وهفضل احب ومش هحاول اعلم قلبى يكرهه مهما كانت الظروف

Roshy

الحب قدر

قالوا الحب من صنع البشر
قلت كلا انه قدر
مثل المطر
قالوا انه للقلوب عذاب
قلت كلا انه غلاب
ان كان حقيقى ليس بسراب
قالوا غالبا ما ينتهى بفراق
قلت كلا هذا نفاق
فالحب الحقيقى نهايته الوفاق
قالوا انه شر لابد منه
قلت كلا انه خير لاغنى عنه
ولا فرار منه
قالوا انه مجرد تجربه
هنا سيطر على الصمت
لكن سرعان ماتكلمت
وقولت نعم الحب تجربه
قد تكون خائبه
لكن غالبا ماتكون صائبه
واستمر الحديث بيننا
حتى انتهى كلامنا
وانفض جمعنا
وفى النهايه بقى الحب بيننا
فالحب قدرنا والحب مصيرنا
فالحب قدر
ليس من صنع البشر

Roshy

الجرح ليا مش ليكى

انتى اللى جرحتينى
ليه دلوقتى بتلمونى
على حاجه ماعملتهاش
كنتى دايما توحشينى
وانتى ساكنه جوه عينى
حسيت معاكى الحب ما انتهاش
كل مره بتبعينى
وفى ثوانى ترجعيلى
ولا مره قولتلك بلاش
جاية تانى تظلمينى
وفى جروحى تعومينى
ده العذاب جوايا عاش
كنتى تيجى وتعاتبينى
أفهمك وتفهمينى
حاجات كتير ما فهمتهاش
مش بسرعه تبعدينى
عن حياتك وعن سنينى
حلمنا تبعيه بلاش
كنتى دايما تحضنينى
بس ازاى تكرهينى
حاجات كتير ما شوفتهاش
كنت عاميه قافله عينى
وانتى عايشه بتخدعينى
كنت فاكره الخير لسه ما انتهاش

Roshy

بلا عنوان

انا من ضل الطريق ولم اعرف للدنيا عنوان
تائهه عن نفسى ولذاتى افتقدت الآمان
أصبحت كوردة وحيدة داخل البستان
اتجول بين العيون لأجد من بينهم الحنان
اتساءل عن طريق يصلنى الى بر الآمان
لكنى فى نهايه اجد نفسى وسط الطوفان
بين وحوش وذئاب تحت مسمى الانسان
لكن هل سأجد طريق اما سأبقى بلا عنوان
هل اجد لنفسى مأوى ام سأكون بلا كيان
الى متى سأبقى هكذا اطلق لخيالى العنان
احلم لنفسى بقلب اجد مع الدفء والحنان
هل ستبقى مجرد احلام تمحى مع الزمان
وتبقى ايضا خيالات تحفظ بجرة النسيان
الى متى اعيش احلم وفى النهايه تكون اوهام
الى متى تلعب بيها هكذا ايها الزمان
الى متى سأظل ضاله الطريق ولم اعرف للدنيا عنوان

Roshy