ذكريات وماتت

قالوا مات

قولت لأ مامتش لسه

ماتقولوش الطيبة ماتت

والسنين الحلوة فاتت

شوفته بيريح جفونه

من تعبها ياما عانت

صورة فجأة جت وراحت

شوفته جنب الورد قاعد

والشجر فى مكانه ثابت

والعطور من جنبه فاحت

ماتقولوش الطيبة ماتت

مستحيل حياته هانت

هو نام غمض عيونه

زى عادتة بس ساكت

كنت فاكرة عيونى نامت

وانى جوه كابوس وهصحى

دى الحقيقة اللى كانت

ايام جميلة بس فاتت

كل حاجه حلوة راحت

جنينته بعده نورها خافت

والشجر جذورة ماتت

والورود من غيره خافت

قالوا مات

قولت ايوه مات خلاص

وياه كمان الطيبة ماتت

والسنين الحلوة فاتت

Roshy

المصراوية

شافها قال بحلم بدرة

احلام شقاوة وساعات هداوه

دى بنت بلده ليها غلاوة

لاعمره مره يبص بره

ولاعمره حتى فكر فى غيرها

غنلها قال بلدى ونقاوة

البنت حلوه وبرضه حره

من نظرة داب واوام عشقها

تقلت عليه ده التقل صنعه

دابت عينيه وشافها شمعه

بنورها تسحر قلوب وغيرها

اول ماتدخل على بيت تسره

دى بنت ناصحه بتحمى خيرها

ولا يوم تدوم ليها دمعه

دخل لبابها ودق دقه

فتحت له بكل زوق ورقه

شافها لعيله بتحمى طيرها

دايما تشيله جوه عينها

قال لابوها بنتك عاوزها

رد قاله اوام تاخدها

اوعدنى بس انك تصونها

قاله وعد فى قلبى اشيلها

قال خلاص فرحها بكره

دى بنت بلدى أغلى دره

Roshy

عذوبتى

تقول لى انك تستطيع ان تنسانى

لك ما شئت

فأنت وحدك من تستطيع ان تخلعنى من ذاكرتك

اما أنا فذلك هو المستحيل

تعيد الى شريط ذكراياتى وفى النهايه تطلب من ان انساك

عذرا يا رفيق الدرب

اسألك ان تعود الى نفسك

أطلب منك أن ترأف بحالى

فمائى العذب لم يختلط بالماء المالح كما ترى

مازلت احتفظ بعذوبتى

لكنك انت من اصابك الفتور

أنت من اغمض عينيه

لذا لما تعد عذوبتى تثير غيرتك

ابدا لن يضيع الحلم

ابدا لن تقتل ايامنا على حافه الطريق

لن ادع ذاكرتك تخلعنى

ولن تطلب منى ان اخلعك من ذاكرتى

فكأنك تطلب من الغراب ان يغنى

دع قلبك يرشدك الى الحقيقه

فلن تستطيع ان تخلعنى من ذاكرتك

Roshy