عم أمين نقلوه انعاش
رااايح الشغل الصبح
صبح علي كل الناس
ع الست سكينه
وحسين بيه
وحسين بيه
والواد حمدي
حتي عزيز الفراش
م الاتوبيس ولحد الشغل
سامع اخبار
مش عارف مين
رايحيين علي فين
باينه ميدان
يعملوا ثورة
وقال ايه ثوار
وسامع واحد عمال بيقول
يابني بلاش
عمال يتريق علي واحد جنبه
باينه صغير
لساه شاب
الحلم بتاعه راح وماجاش
وصل الشغل
عمال بيفكر
سارح في كلام الناس
صحيح يا اخوانا
هيعملوا ثورة
ياعم أمين خلينا في حالنا
دول ناس اوباش
بعد الضهر
راجع علي بيته
شايف زحمه
ياعم أمين .. تعيش انت
ابنك مات
جايبنه بدمه من التحرير
ضربه عسكري امن هناك
كان بيطالب بالحريه
ورغيف عيش
ويا عداله اجتماعيه
اعتبروه م الاوباش
عم أمين سمع الكلمه
نقلوه انعاش
