ذكرياتى

من وقت للتانى بروح على مكتبى اللى مليان بالحاجات

أفتح درج درج فيه أرتبه وكل مرة بلاقى مفاجآآت

درج فيهم مليان كتب ملهاش علاقة ببعضها

فيهم كتاب مليان حكم من زمن وكتاب بيقول نكت

درج تانى مليان ورق وحاجات كتير معرفش ايه

أما الكبير فكان لوحده مش حكاية دى حكايات

مليان حاجات متكركبه معاها عشت أجمل ذكريات

سبت نفسى وقولت اسرح ويا دى الحاجات

الدرج فعلا كان كله هدايا وحكايات

شوفت صورة من صديقتى بس صورة ماضى فات

فيه كمان وردة وريحانه ... بس ياااااااه ع الذكريات

وادى ورقه فيها كلمة من مدرس بس مات

كان كاتبلى كلمة حلوة فيها كل الأمنيات

ده كمان صندوق صغير فيه عقارب للساعات

وادى قلب كان جايلى فى عيد ميلادى اللى فات

وادى عقد بس مفروط منه .. حبه .. اتنين .. لا حبات

اما دى فكانت ورقة لامتحان ضمن الامتحانات

ده امتحان معاه هديه وعليها اهداءات

فيه كمان شوية لعب مش كبيرة دى لعيبات

وادى نوته فيها ارقام تليفونات

كل ده مش غريب الغريبة الذكريات

وياااااااااااااااااااااااااه ع الذكريات

Roshy

قلبى الثائر

قلبى الثائر
اعتادت دائما ان اكون كغيرى من البشر
يوم فرح ويوم حزن
أغضب احيانا وأثور احيانا أخرى كالبركان
لكنى سرعان ما أعود الى وضعى الطبيعى
وسرعان ما أكون أنا من جديد
أغفر واسامح واقبل الاعذار
لكن تلك الليله لا أعرف ما خطبى
لا اعرف لماذا كل تلك الثورة التى بداخلى
أشعر وكأننى اقف على حافة قمة عالية
لن استطيع ان انقذ نفسى ان سقطت
هل لأن ماحدث لى لم يكن متوقع؟!
نعم هذا هو سبب كل ثورتى التى بداخلى
فما واجهته اليوم كان صعب على عقلى ان يستوعبه
رغم ما اعترى تلك العقل الصغير من مشكلات
كان سرعان ما يعيد تكوين نفسه ويتأقلم من جديد
كان سرعان ما يبحث عن مبررات حتى يتعايش
لكن اليوم رأيته عاجز حتى عن خلق المبررات والأعذار
فلم يعد القلب وحده هو الطعين بل القلب ايضا
أشعر وكأننى ريشة تلاعبت بها الرياح
فمتى ارتفعت حملتها معها ومتى انخفضت تركتها فى اى مكان
متى سأعود من رحلتى التى لا أرى لها نهايه؟َ!
رحلة البحث عن قلب جديد وعقل غير عقلى
وهل سأجد ما أبحث عنه حقا أم انا ابحث بلا جدوى
هل ستشرق الشمس فى عالمى مرة أخرى ام سأظل حبيسه تلك الليله
متى سيأتى فجرى ليمحى آثر تلك الليلة ليظهر البدر ومن بعده يأتى الفجر
عجبا للأيام قليلة فرحها ساعات معدودات وجراحها تمر سنوات
اسألك ياقلبى ان تغفر لمن أحببت فلن تجد لك بديل عنه
فكل ابن آدم خطاء وكل ابن آدم لربه يعود
فدع الله يغفر لمن يشاء واترك عذاب نفسك
دع كل شئ ايها القلب الثائر
دع كل شئ للبارئ

Roshy

حبيبتى يامصر

حبيبتى حبيبتى يامصر

لأنك حضارة مهو انتى الأصل

بحبك ياغالية رغم المقاسى

بحبك وبرضه هفضل أحبك

ماهو انتى اللى فيكى حبايبى وناسى

هعلم ابنى برضه يحبك

وبنتى كمان هتفضل تحبك

جيل بعد جيل هيفضل شاهدلك

بالخير اللى عندك ونيلك ونبضك

عارفه حبيبتى انى ظلمتك

لما سبت اللى نهبوا ارضك

عاشوا حياتهم سرقوا خيرك

سموا زرعك باعوا نيلك

لكن حبيبتى راجعلك حقك

هاخد بتارك وتار شهيدك

ضحى بدمه كان رافض زلك

دلوقتى ابنك اللى من صلبك

هو اللى ناهب خيرك وزرعك

بتسألينى إن كان راضينى ؟!!

ما انتى شايفه الجواب فى عينى

عمر الكلام ماكان يكفينى

ولا حتى وعود بتملى عينى

صدقينى هرد خيرك

من تانى راجع ليكى طيرك

اللى هاجر سنين طويله

هاجر وساب فيكى حنينه

لكنه راجع يرد دينه

قال لايمكن اعيش اسير

وكفاية ضاعت منى سنين

ضيعت عمرى فى ارض غيرى

وسيبت ارضى اللى فيها خيرى

راجع لبلدى اللى منها صلبى

واللى ليها بعيش بقلبى

بحبك يابلدى

بحبك يامصر

Roshy