من وقت للتانى بروح على مكتبى اللى مليان بالحاجات
أفتح درج درج فيه أرتبه وكل مرة بلاقى مفاجآآت
درج فيهم مليان كتب ملهاش علاقة ببعضها
فيهم كتاب مليان حكم من زمن وكتاب بيقول نكت
درج تانى مليان ورق وحاجات كتير معرفش ايه
أما الكبير فكان لوحده مش حكاية دى حكايات
مليان حاجات متكركبه معاها عشت أجمل ذكريات
سبت نفسى وقولت اسرح ويا دى الحاجات
الدرج فعلا كان كله هدايا وحكايات
شوفت صورة من صديقتى بس صورة ماضى فات
فيه كمان وردة وريحانه ... بس ياااااااه ع الذكريات
وادى ورقه فيها كلمة من مدرس بس مات
كان كاتبلى كلمة حلوة فيها كل الأمنيات
ده كمان صندوق صغير فيه عقارب للساعات
وادى قلب كان جايلى فى عيد ميلادى اللى فات
وادى عقد بس مفروط منه .. حبه .. اتنين .. لا حبات
اما دى فكانت ورقة لامتحان ضمن الامتحانات
ده امتحان معاه هديه وعليها اهداءات
فيه كمان شوية لعب مش كبيرة دى لعيبات
وادى نوته فيها ارقام تليفونات
كل ده مش غريب الغريبة الذكريات
وياااااااااااااااااااااااااه ع الذكريات
Roshy
هناك تعليقان (2):
صباح الورد يا روشي
بجد حاسس اني زي ما اكون بقرا حاجه لصلاح جاهين ...انا بحب الاسلوب ده جدا وبيكيفني بجد
جميل جدا يا روشي و انا متشكر جدا على تشريفك ليا دايما في بلوجي
سلام
ويـــاه على الذكريات
كلمات رائعة
الى الامام دائماً
إرسال تعليق