طفلة بفيونكات

كنت زمان حته طفله بضفرتين وفيونكات
أقصى طموحى كانت فسحه أكل فيها الحلويات
ويا عروسه او دبدوبه كنت بنام والليل اهو فات
كل الناس بتشوفنى ملاك .... أيوه ملاك
طبع ملايكة من غير كذب ومجاملات
كنت فراشه بس بطير من غير جناحات
كل نهارى لعب وجرى وعند الليل اسمع حكايات
توته توته ويا الحدوته كنت بنام فى سكات
لما كبرت لقيت الدنيا مش فى ثبات
واحد يفرح واحد غيره بيحكى آهات
نحلم حلم وفجأة يقولوا الحلم اهو مات
وادى الدنيا كده بحالات
زى السرك مليان سباقات
بس الشاطر قادر ينسى جرح وفات
يفكر نفسه ان حاجات كتير جايات
دايما يسعى ويقول برضه ازيد خبرات
يجرى ويحلم وكمان برضه يشوف وقعات
ماهى الدنيا كده بحالات

Roshy

رسالتى

هذه رسالتى كتبت على المظروف تصل وتسلم الى قلب حبيبى
فياترى ياحامل رسالتى تستطيع ان تسلمها إليه ؟!!
أبلغه سلامى وشوقى إليه فإن الشوق أدمانى
أخبره أن الليل والقمر والنجوم وأنا فى إنتظاره كل ليلة
نحلم بلقاءنا سويا ونرسم طريقا يسلكه إلينا
يا حامل رسالتى كن بى رحيما وتعجل فى توصيلها إليه
أبلغه اننى على عهدى معه فلن يسكن قلبى سواه
أبلغه أيضا أننى دوما اشتاق لسماع صوته واحن لرؤيته
هذه رسالتى كتبت حروفها بدمى وجعلت مظروفها قلبى
عطرتها بزهر الياسميين الذى مضى على عقد حبنا
مع كل فجر كنت اكتب حرفا ومع الغروب كنت انهى سطرا
وها أنا الآن قد انهيت رسالتى ولن أكتب وداعا
بل سأكتب بإنتظارك حبيبى مهما طال إنتظارى
سأظل انتظرك حتى تخرج الروح من جسدى
وختاما لك من أغلى سلام

Roshy

آه من الأيام

أه من الأيام بتفرق الأحباب
بتتولد ناس وناس تحت التراب
ناس تغيب وتروح وناس مليها جروح
والعمر بيعدى ولا مره بيهدى
قطر السنين بيفوت أحلام كتير بتموت
مات الأمل فينا طالت ليالينا
عايشين بدون أحباب عن نفسنا اغراب
كمان الحب اصبح كله نفاق فى نفاق
دايما نهايته غريبه بتنتهى بفراق
والصدق بيختفى وبالكذب بنكتفى
نعمل حساب للظالم والعدل بنقتله
نعظم الخاين والمخلص نهمله
والنور نشوفه ظلمة علشان عيونا ظالمه
والليل نشوفه نهار ونقول بقينا كبار
نعلى بدون اسباب ونقول ده حقنا
علشان العدل غاب وظلمنا نفسنا
بظلمنا الاحباب وكرههنا لبعضنا
Roshy

قصقوصة ورق

قصقوصة ورق طارت من بيت جيرانا
وقعت فى قلب بيتنا دقت فى قلبى رنه
صحت الشوق فى قلبى رجعت أحلام زماننا
رجعت أيام كتير كنت فاكره ضاع املنا
رجعتلى حلم طفله ويا صورة فيها راسمه بيت جيرانا
طل منه شاب بنظرة بيها قلبى قام وغنى
سطح بيته وسطح بيتنا كانوا لينا احلى جنه
فيه رسمنا بيت صغير ويا طفل احلى منا
ع الحيط كتبنا قصه منها شوفنا مستقبلنا
كل ده فكرته تاه بين سطور غربة جيرانا
وادى ورقه عدت جسور فرقت زمان ما بينا
رجعت كل اللى الامانى اللى كانت باعده عنا
حققت حلم الطفوله والوعود اللى فى كلامنا
فكرتنى بشوق عيونا وبسلامنا
والحنين اللى كان مالى كلامنا
كل ده بورقه طارت من بيت جيرانا

Roshy

رحلة البحث

ما أجمل أن يجد الإنسان ضالته
الشئ الذى طالما بحث عنه طويلا
لكن هل تصدق الأيام وتفى بالوعد
أم تأتى الرياح بما لا تشتهى السفن
عجبا لهذه الحياة مليئة بالمفاجئات
عندما نفرح تفاجئنا بما يحزننا
كخسوف القمر ليلة التمام
وعندما نحزن تفاجئنا بما يسعدنا
كشعاع الشمس عند الشروق
هكذا فاجئتنى تلك الحياة
وأشرقت شمسة من جديد
كنت ابحث دايما عن يد تمتد إلى
وتأخذ بيدى الى نهاية طرقى
ولم أكن اعلم أن شمسى ستشرق سريعا هكذا
واجدما كنت ابحث عنه طيلة عمرى
فى حلمى وفى يقظتى وما بينهم
وعدتنى الحياة واوفت بوعدها معى
وجدته يمد لى يده بين جموع تخلو عنى
أصبح اقرب لى من نفسى وروحى
يسمع صوتى قبل أن أتكلم
بشعر بألمى قبل أن أشكو له
وجدته ليس كمن عهدتهم من البشر
لا يحيا ذئبا ولكنه أيضا ليس كالخراف
لا يعرف للمكر شكلا فهو ابيض كالثلج نقى كالماء
يعطى كالنهر ولا ينتظر المقابل
مرآه صادقه لايعرف النفاق
لا يعرف فى الكون سوى الحب والخير
هكذا عرفته وهكذا وجدت فيه ضالتى
واخيرا انتهيت من بحثى

Roshy

آن الاوان

مرت الساعه تلو الساعه وفات الآوان

مر العمر سريعا ولم يكن هذا فى الحسبان

قف مع نفسك أيها الانسان

لا تجعل العمر عبرة للأزمان

أعمل لآخرتك ولا تسير مع الطوفان

لاتنظر لليوم فليس به آمان

لم يصبح الانسان هو الانسان

بل اصبح الانسان يشبه الحيوان

أعلم ان للحيوان لسان كلإنسان

ولكن ليس له عقل يصان

بل له جسد يذل ويهان

هذا لانه ليس له بنن

هيا ايها الأنسان

قف قبل فوات الآوان

Roshy

حكاية هداية

أستمع إلى بصمت ولا داعى للعجب

فتلك الحكاية حكاية هداية

بأمر ربى جاءتنى طفله

تسرد لى أغرب الحكايا

حكاية لتائب بعد المعاصى

وأخرى لعاصى بعد الهداية

احببت التائب وكرهت العاصى

تمنيت الموت بدون معاصى

سكتت الطفله عن الكلام

فقولت استمرى لتنهى الحكايه

حاولت ان تضع بيدها النهايه

فقالت لاتحزن وقل يا إلهى

غافر الذنب خالق الأنام

رحلت الطفله وسكت الكلام

تركتنى اندم على التلاهى

اشفقت ان اكون كالمجرم

فأوخذ بالاقدام والنواصى

Roshy

مدينة السلام

إليك يا مدينه السلام

إليك يا ارض الوئام

اليك يا قبلة خير الأنام

اليك ياعشق الهيام

اليك يامسرى الرسول

اليكى اسعى ان انول

وصلا اليك ميسور

وصلاة فيكى مقبول

سألت نفسى لما العدون

فأجابنى محتل جبان

هنا رأيت الأمان

وارتوى جسدى العطشان

فبكى قلبى وبكت عينى

وطلبت العفو من ربى

وسألتى ان ينير دربى

حتى أصل إليكى

Roshy

رسالة حب

رساله لمن أحب

رساله الى أحن قلب

رساله الى رموز الحب

رساله لأم وأب

******

رساله اليك يا أمى

يا من تحمليين همة

يامن تمسحيين دمعى

يا من تزيدين علمى

******

رساله إليك يأبى

يامن ينير دربى

يامن سكن قلبى

يامن علمنى حبى

لرسولى الكريم ولربى

Roshy

حكاية عمر

إحساس جميل يكون ليك صديق
صديق تحبه وكمان يحبك
تحزن لحزنه يفرح لفرحك
فى الشده جنبك وفى الخير يقاسمك
يسأل فى غيبتك يفرح لشوفتك
تملى سامعه ينده بأسمك
ولا عمره مره يغلط فى حقك
ولو مره تزعل تلاقيه يصالحك
وسعادته دايما وهو جنبك
وكل حلمه يفضل بقربك
طوق نجاة دايما فى صفك
ولا عمره خدعك ولا حتى جاملك
ولا حتى مره قال يضرك
ليك دليلك ولا يوم يضلك
يأخد بإيدك توصل لبرك
دايما فى ظهرك واقف يساندك
بالحب وعدك ع الصدق عاهدك
مها تبعد أكيد راجعلك
ومها يبعد أكيد فاضلك
ده انت منه وهو منك
تفوت سنين وبرضه جنبك
ابنك ابنه وابنه ابنك
ما انت صاحبه وهو صاحبك
اللى قلبه جوه قلبك
واللى عاش عمره جنبك
واللى عيشت ليه بقلبك
ما انت عمره وهو عمرك

Roshy

الفستان الابيض

زمان كان ليا حلم
زى البنات دعيت
أكون عروسه ولابسه طارحه
فستانى ابيض وليا بيت
وسط حلمى خدتنى فكرة
منها خوفت بعدين بكيت
كنت خايفه من حلم بكرة
يكونلى عكس ما اتمنيت
فات يوم والتانى وجه التالت
وحلمى زى ماهو وبقول ياريت
فات شهور على حلمى وجت شهور
خوفى زاد وافتكرت انى نسيت
كنت عارفه لايمكن انسى
حلم عيشته وليه سعيت
فجأة جه حبيبى ليا
فتحلى قلبه وعلية جريت
وسيبت نفسى فى حضن قلبه
وكل خوفى خلاص نسيت
الحلم بدأت خلاص خيوطه
تكون حقيقه ما انا حبيت
وخلاص قربت اكون عروسه
فستانى ابيض وليا بيت

roshy

أصل الحكاية

من حرف بديت وصلت حكاية
كلمة بكلمة بقت بداية
سيبت قلمى من غير نهاية
قولت احكى ايه جوايا
جوايا حب ملهوش نهايه
لناس كتير عايشيين معايا
أجناس شباب وكمان صبايا
أهديت عيونى ليهم هدايا
بيكونوا ليا دايما مرايه
بحب فيهم صدق النوايا
خوفهم عليا من غير دراية
بعيش معاهم أجمل روايه
اخلاصى ليهم من غير وصاية
فى الشدة دايما ليا حماية
حاسه بيهم نجوم سمايا
أصحاب فى فرحى وكمان بكايا
مش بس صحبه دول هوايا
دى أغلى صحبه ودى الحكايه

Roshy

حكاية طير

عصفورة صغيورة جدا .. جوه قفص كبير
ناديت على صاحبها .. خرجنى عاوزة أطير
عاوزة أعيش حرة .. جناحى مش أسير
عاوزة أغنى غنوه .. يفرح بيها الغير
واحكى حكايا قلوب .. مليانه حب وخير
مليانه صدق وفا .. مليان نور كتير
هطير فوق السحاب .. ويا جناحاتى هطير
ههمس لنجم السما .. يفتح ابواب كتير
يملا الدنيا هنا .. مايفرق غنى عن فقير
خرجنى ياصاحبى سيبنى .. أحكى لكل طير
عن كل قلب حب .. صغير او كبير
وأقول لكل ظالم .. جاية الأيام كتير
لسه قلوب ياما .. مليانه بالضمير
زى ورود جميله .. مليها العبير
زى أسود شجاعه .. عايشه من غير زئير
كلامى ده بداية .. مش هيكون الاخير
كلام من قلبى طالع .. بكل حب وخير
خلينى ياصاحبى حره .. جناحى مش أسير
خرجنى ياصاحبى سيبنى .. أحكى لكل طير

Roshy

جواب

فتحت درجى مره .. لقيت ورقه فى كتاب
ببص بعينى فيه .. لقيته كان جواب
أغلب سطوره فيها .. كلمة الاحباب
كمان العنوان ده فكره .. حكاية ورا كل باب
أول حكاية كانت .. بين اتنين أصحاب
اتنين على الحب عاشوا .. دى حقيقة مش سراب
حكاية تانيه كانت .. عن فارس وأهداب
فارس ده كان صبى .. فى سن الشباب
اهداب كمان بنوته .. لكن من الأغراب
عاشوا فى حدوته .. واتفرقوا بدون أسباب
أصل الناس معادن .. والناس كمان أنساب
وأدى حكاية تالته .. لبنت غير أهداب
بنوته كانت بتحلم .. تطير فوق السحاب
تطير ويا النجوم .. بعيد عن الضباب
تكون أميره عايشه .. فى جنه مش خراب
قامت من نومها خايفه .. صحيت على صوت غراب
وكمان الحلم ضاع .. لانه كان سراب
وادى الجواب نهايته .. اتفرقوا الاحباب
خلاص قفلت درجى .. وكمان رميت الكتاب

Roshy

لست انا

لست انا
لست انا من يبيع قلبا قد شراه
لكننى من تصون قلبا قد هواه
لست انا من يسير وراء لمعه السراب
ونجوم صعبة المنال قد يكسوها الضباب
لست انا تلك التى تحركها شهوات الحياة
او تسير مقيدة خلف معسول الافواه
لكننى القى بكل هذا الى الوراء
اهفو بلا قيود تجعلنى فريسه للأعداء
اتحرك كالفراشات بين الاغصان
ارسم لوحات بأروع الالوان
انا كالطفله لا اعرف سوى الحب
احببت الضحكة تخرج من القلب
عشقت الوفاء كرهت الخيانه
كرهت الكذب أحببت الأمانه
لست كالريشه تحركها الرياح
لكنى كالنحله اعشق الكفاح
اعشق الحياة ان كنت حرة
واعشق ان اكون بها درة
فلست انا ذئب ولست ايضا حمل
لكننى بشر احيا وكلى امل
لست أنا
Roshy