أصل الحكاية

من حرف بديت وصلت حكاية
كلمة بكلمة بقت بداية
سيبت قلمى من غير نهاية
قولت احكى ايه جوايا
جوايا حب ملهوش نهايه
لناس كتير عايشيين معايا
أجناس شباب وكمان صبايا
أهديت عيونى ليهم هدايا
بيكونوا ليا دايما مرايه
بحب فيهم صدق النوايا
خوفهم عليا من غير دراية
بعيش معاهم أجمل روايه
اخلاصى ليهم من غير وصاية
فى الشدة دايما ليا حماية
حاسه بيهم نجوم سمايا
أصحاب فى فرحى وكمان بكايا
مش بس صحبه دول هوايا
دى أغلى صحبه ودى الحكايه

Roshy