الثلاثاء، 1 ديسمبر 2009
السبت، 17 أكتوبر 2009
الأحد، 4 أكتوبر 2009
الفستان الأبيض
وعليه طرحة مـن التول
وشاغلى كمان بإيديه
تاج منقوش بالفل
وهنسهر سهره جميله
يملاها الفرح تملى
هتلم معانا العيلة
والكل هيجى يهنى
لما يشوفوا فرحتنا
واللى يكبر ويسمى
وبسرعه هنوصل بيتنا
وكمان عصافيرنا تغنى
وهقوم من النوم فرحانه
علشان الحلم اتحقق
والدنيا مهيش سايعانا
السبت، 3 أكتوبر 2009
محتاجلى ازاى
لسه بتسأل ؟!
يمكن محتاجه مش أكتر
من إنك تسمع صوت نبضى
وتكونلى سمايا
وتكون ويايا على أرضى
يمكن محتاجه احكيلك
وافضفض وياك واشكيلك
من النسمه الحايرة اما تعدى
من عندك ليا وماتهدى
يمكن محتاجه اسمع صوتك
واسمع همساتك وسكوتك
واحس بإيدك تحضنى
والقاك بعيونك تأمرنى
وانفذ أمرك بأشارة
من غير لا سؤال ولّا أماره
يمكن محتاجه تدفينى
وبحبك ليا تكفينى
وعن كل الناس تغنينى
ومن عذب حنانك تروينى
ألف وش
عايش حياتك علشان تغش
ليه تكون انسان ورق
وتبان فى وش الناس ملاك
وانت أصلا من جوه هش
ليه تعيش تجرح وبس
تطلب مـ الناس بيك تحس
ولما تتملك وتقدر
تبيع قلوب وتخون وتغدر
أخدت ايه من كل ده
غير كره من ده وده
أهديك نصيحه بس تسمع
ولو كلامى كان بيوجع
اوعاك فى يوم للخلق تخدع
تضر نفسك
توب بسرعه وللمولى ارجع
واطلب سماحه
لجل يغفر وتنول فلاحه
الأربعاء، 30 سبتمبر 2009
سِنَّة تيته
ليه زعلانه علشان سِنَّة
هتلاقى غيرها
فوق فـ الجنه
فاكرة ياغاليه ؟؟
يوم ما أنا جيتلك ببكى وبشكى
علشان سِنَّة وقعت منى
فاكرة الغنوة بصوتك ليا ؟؟
ولمسه إيدك والحنية ؟؟
قولتِ أَخدها ربنا منك
علشان يبعت أجمل منها
فاكرة ياتيته ضمة حضنك
لما رسمتى صورتى فى قلبك
فاكرة كمان الضحكة الحلوة
لما سمعتى منى الغنوة
طايره حروفها
قولتِ دى نعمة
بس ياتيته ليه ياحبيتى
لما السِنَّة وقعت منك
انتِ زعلتى ؟؟
Roshy
الأربعاء، 23 سبتمبر 2009
كلمة بحبك
سرقتنى من الدنيا وقتها
معرفش امتى وازاى وليه
مابقاش فى حد أخاف عليه
غير قلبى وانت
معرفتش ارد واقولك ايه
قولت لعيونى تقول مكانى
كل اللى نفسى اقوله ليك
لكن عيونى ضعفت اوام
لما شافت نظرة عينك
نسيت معاها كل الكلام
حتى السلام
والحل ايه
خلى الرسول بينى وبينك
قلبك انت
وصية منك يحس بيا
وكمان وصية علشان عيونك
خليها تبقى بشويش عليا
الأحد، 20 سبتمبر 2009
كلمة حق
الخميس، 17 سبتمبر 2009
ارسم يابنى
ارسم يابنى
هات كراس الرسم ولون
يلا نغير بيه الكون
ترسم ورده و شمس فـ صورة
ونزينها بكام ضحكاية
فى عيون بنوته أمورة
هات الأزرق لون البحر
لون السما معكوس ع النهر
لما سحابة الخير بتعدى
ترمى المطره فـ قلب الزهر
هات الأحمر ويا الاصفر
يرسموا شمس كمان بتنور
لما بتوعد يبقى هتوفى
تلقى الخير هيزيد ويكفى
هاتلى الاخضر لون الزرع
قلبى يكونلك هو النبع
يروى خضار الخير جواك
يمحى الدمعة اللى مشاركاك
كل حياتك ليل ونهار
وهنرميها فى وسط النار
ونبدلها بصوت الضحكه
هتعدينا مـ الأسوار
هاتلى الاسود لون الليل
ويا البنى لون الخيل
زود نقطه كمان م الأبيض
نرسم بدر شكله جميل
والنجمايه عليه بتميل
وانا وياها اسرح وافرح
شجر الفرح اوام راح يطرح
Roshy
الأحد، 2 أغسطس 2009
أنا وبابا
بابا مسكنى وقالى فى يوم
اوعى يابنتى تنسى الصوم
اصل الصوم يحميكى تملى
احمدى ربك ودايما صلى
انه حباكى نعمة جميله
الاسلام
كل حياتك فيها فضيله
باعد عنك كل رزيله
لبسك دايما يبقى الساتر
يعمى عيون اجدع راجل
ربك شاهد انك بنتى
وانى وراكى بعقلى وقلبى
عمرى ما اسيبك لحظة تضلى
تفضلى دايما ماشية فى ظلى
افخر بيكى يا فلذة كبدى
وادخل بيكى لجنه ربى
سامعه يابابا
كل كلامك حلقه فى ودنى
اصلك دايما فى الحق واخدنى
جوه عيونك تملى شايلنى
بدعى الله يحميك ليا
وافضل اوفى الحق عليا
أصل رضاك عنى يا والدى
كل حياتى وأغلى ما عندى
الخميس، 30 يوليو 2009
صوت الحق
الاثنين، 27 يوليو 2009
محمد & منى
فرحنا الليله الليله ..
واللمة حلوة جميلة ..
هنقول يا حليله ياحليله ..
ده عريسنا ابن اصول ..
ماشاء الله عرض وطول ..
دايما يصبر وينول ..
كايد حساده والله ..
غنوله وصقفوا يلا ..
يا حماده حارسك الله ..
يحميك م العين ان شالله ..
يا أمير وأخدت أميره ..
بنوته رقيقة جميلة ..
من عيلة وبنت أصيلة ..
عسوله تشوفها تملى ..
ضحكتها تعلى تجلى ..
سبحان من خلق اسم الله ..
مرسومه فى لوحه جميلة ..
ماهى قمرنا الليله ..
ماشاء الله كمان ع العيله ..
بابا سكر شربات ..
مقامة مش كلمات ..
وماما كمان يابنات ..
تاخد تاج الستات ..
وحماها سموه وارقوه ..
وقت الشدة تلاقوه ..
مجدع واياكوا تخنوه ..
وحماتها دى حتة سكر .
.شربات ياخواتى مكرر ..
ماشاء الله والله اكبر ..
ربى يكمل فرحتنا ..
تخلص على خير سهرتنا ..
وعيالهم يشغلوا بيتنا ..
تحلى بيهم لمتنا ..
Roshy
السبت، 25 يوليو 2009
ديك البرابرة
الخميس، 23 يوليو 2009
عرضنا
الأربعاء، 10 يونيو 2009
أسماء
ماهى منى وانا منها
آه لو تشوفوا ضحكها
ولا عيونها وسحرها
بنوته حلوه
شقاوتها غنوة
ساعات تشوفها يادوب تحبى
من ألف ليله تختار وتحكى
وساعات تعدى العشرين بيوم
آخر جنان من غير هموم
مهما قولت عمرى ماهوفى
الوصف فيها مش هو هدفى
أصل الكلام عنها ما يكفى
عسوله أختى وغلباوية
هدية ربى أهداها ليا
ياسومه لازم أقول بحبك
وهدية منى بوسه لخدك
Roshy
الاثنين، 11 مايو 2009
العرافة
ياللى بتقرى الودع
أقرى كفوفى وسمعينى
قولى ايه ليا اترسم
بس اوعى تخوفينى
الله ياشابة على دا الكف
فيه الحبايب عدو الالف
فيهم حبيب على باب دارك
لا هو صاحبك ولا كان جارك
مستنى منك بس الاشارة
او حتى رمشك يؤمى الامارة
قولى ياستى تانى وزيدى
حلو كلامك يلا عيدى
من حبيبى وفين نصيبى
اللى حبه يقيد لهيبى
أحكى أكتر عن حياتى
قولى ايه أكتر صفاته
أمير زمانه وأنتى أميرته
شايلك فى عينه شاغلك بغيرته
كلامه سيف والغالى قيمته
الصح قوله ورجولته هيبته
حلو كلامك طمنلى قلبى
لكنه كله بإذن ربى
قادر يخلى الكلام ده حظى
Roshy
الاثنين، 4 مايو 2009
بهية
الاثنين، 13 أبريل 2009
أصعب لحظة
الثلاثاء، 7 أبريل 2009
والله زمان
جاب معاه حكايات زمان
فكرنى بيها
بيتنا اللى كان
قدامه بيت
بيته هو
بيت الجيران
رجعنى تانى لحلم مات من سنين
كنت فاكرة نسيه اوام
كنت خايفه اكون لوحدى اللى فاكرة
لقيت قلبه لسه فاكر كل ذكرى
كل كلمه وكل فكره
حتى الورق اللى طاير
واللى كان ما بينا حاير
والورود والشموع
والسعادة بدون دموع
والهنا اللى كان ملينا
والحنين ما بين عنينا
جاى فى وقته
لسه مش فات الاوان
قولتهاله وقالها ليا
الاثنين، 6 أبريل 2009
راجعه أكيد
وقلبى تاه من بين ايديا
محتارة بينى وبينى نفسى
مش عارفه ليه مابقتش هى
البنوته اللى عرفتها
كانت لذيذة وكمان شقية
مش عارفه ليه ضيعتها
انا رافضه اعيش بالشكل دا
مش هكون الا انا
مش زمان اللى هيرجع
مش ناوية اعيدة
مش هقول مفيش أمل
هعيش حياتى اللى جاية
واعمل لنفسى دنيا تانيه
وهبتديها بالعمل
والحياة تضحك بقى
والدنيا تبقالى سعيدة
وارسم لوحتى الجديدة
فيها شمس وفى سما
والوان الكون العنيدة
اصرارها عالى
يعلى النجوم
وابدأ معاها يوم بيوم
ومسيرى هوصل وابقى انا
كلى منا
ايوه دى هى أنا
Roshy
السبت، 4 أبريل 2009
ماكنش حب
ياقلبى خليك قوى
الجمعة، 3 أبريل 2009
ليه ياقلبى
ليه تسيب الظلم ليه
يبقى ليك زى المصير
ليه تسيبه يحكمك
ليه تسيبه يلجمك
كنت حابه زمان اشوفك
حر نفسك ناسى خوفك
عمر يوم الظلم ابدا
ماكان طبعاك
جاى تندم ؟؟
قولى ليه
قولى بس عملت ايه
تتظلم وظلمت ليه ؟؟
ليه ياقلبى الأسير
ليه وليه تعيش ذليل
قول بس ايه الدليل
ان الخير جواك يهون
والشرور تملى العيون
قولى ياقلبى الأسير
كرهت قلبى
وكل حاجه بإختيارنا
ياه خلاص ضاعت أملنا
كلمة صدق
لما كان الحب بينا وكان وكان
كنت عاوزة اقولها مره
كنت بقولها جوا نفسى
بس كنت ببقى حره
ايوه قولت المره ديا
بعلو صوتى وقالها ليا
كنت حاسه بشئ رابطنى
مش مهم علشان سامعنى
كله علشانه يهون
هبقى حره اكيد فى يوم
طول ماهو جوه قلبى
طول ماحاسه بصدق قلبه
حتى عينه لو قالتى
حاجه تانيه مش هصدق
غير كلامه ونبض قليه
قالوا حسادنا دى كلمة
قولته لأ ده شوق أملنا
كان مجرد حلم فـ خيالنا
بس بالحب اترسم
والخيال اصبح حقيقة
عيشنا من اول دقيقه
نرسم لبعض فى طريقنا
الاثنين، 30 مارس 2009
إعتراف
الاثنين، 23 فبراير 2009
لأجل عنيك
لست انا من سلب النوم من جفونك
بل انت من سلبنى النوم
سلبنى لبى واجتاح كل فكرى
غزوتنى لكن ليس كغزو العدو لأرض غيره
بل كصاحب حق استرد حقه
تسألنى المأوى ومأواى الوحيد قلبك
أسألك بكل كلمة سطرتها من أجلى
أسألك بحلم الفراشات بين الينابيع
بكل حبة رمل أثارت غيرتك
بوضع اسمى منثور فوقها
الا تدعنى افيق من ذلك الحلم الجميل
دعنى اتنفس رحيق الشوق بين عينيك
يامن تركت الكون من أجلى
قد تركت الكون من أجلك
نسجنا سويا كونا خاص يضمنا
لست انا من سلب النوم من جفونك
بل انت من سلبنى النوم
سلبنى لبى واجتاح كل فكرى
غزوتنى لكن ليس كغزو العدو لأرض غيره
بل كصاحب حق استرد حقه
تسألنى المأوى ومأواى الوحيد قلبك
أسألك بكل كلمة سطرتها من أجلى
أسألك بحلم الفراشات بين الينابيع
بكل حبة رمل أثارت غيرتك
بوضع اسمى منثور فوقها
الا تدعنى افيق من ذلك الحلم الجميل
دعنى اتنفس رحيق الشوق بين عينيك
يامن تركت الكون من أجلى
قد تركت الكون من أجلك
نسجنا سويا كونا خاص يضمنا
لن ارى سواك ولن ترى سواى
Roshy
الثلاثاء، 17 فبراير 2009
بين دقة ودقة
قولتهالك ألف مرة
وكل مرة أقولها ليك ِ
ببقى سامع ألف دقة
وأبقى شايف بين عنيكِ
كلام جميل فى زوق ورقة
كل مرة تقولها ليا
ابقى حساك بين إيديا
أبقى نفسى أكون فى حضنك
وأسكنك جوه فى عنيا
من غير كلام أنا قلبى حاسك
بفهمك من بس همسك
ابقى عارف عاوزة ايه
عاوزانى اكون تملى جنبك
ايوة عاوزة تكون معايا
تكونلى نجمايا فى سمايا
تملى تنورلى ليلى
والفجر يطلع تكون معايا
Roshy