تيته حبيبتى
ليه زعلانه علشان سِنَّة
هتلاقى غيرها
فوق فـ الجنه
فاكرة ياغاليه ؟؟
يوم ما أنا جيتلك ببكى وبشكى
علشان سِنَّة وقعت منى
فاكرة الغنوة بصوتك ليا ؟؟
ولمسه إيدك والحنية ؟؟
قولتِ أَخدها ربنا منك
علشان يبعت أجمل منها
فاكرة ياتيته ضمة حضنك
لما رسمتى صورتى فى قلبك
فاكرة كمان الضحكة الحلوة
لما سمعتى منى الغنوة
طايره حروفها
قولتِ دى نعمة
بس ياتيته ليه ياحبيتى
لما السِنَّة وقعت منك
انتِ زعلتى ؟؟
Roshy
هناك تعليقان (2):
الله الله الله
حلوة بشكل ملفت
معنى ومبنى حس ومغنى
بجد بجد
أنت عديت خلاص
تحياتي لك وتهانئي
عجبنى .. كلام بسيط بس فيه احساس و فكرة و شجن
إرسال تعليق