الجمعة، 24 أكتوبر 2008

ذكريات وماتت


قالوا مات
قولت لأ مامتش لسه

ماتقولوش الطيبة ماتت
والسنين الحلوة فاتت
شوفته بيريح جفونه
من تعبها ياما عانت

صورة فجأة جت وراحت
شوفته جنب الورد قاعد
والشجر فى مكانه ثابت
والعطور من جنبه فاحت

ماتقولوش الطيبة ماتت
مستحيل حياته هانت
هو نام غمض عيونه
زى عادتة بس ساكت

كنت فاكرة عيونى نامت
وانى جوه كابوس وهصحى
دى الحقيقة اللى كانت
ايام جميلة بس فاتت

كل حاجه حلوة راحت
جنينته بعده نورها خافت
والشجر جذورة ماتت
والورود من غيره خافت

قالوا مات
قولت ايوه مات خلاص

وياه كمان الطيبة ماتت
والسنين الحلوة فاتت
Roshy

هناك 3 تعليقات:

fOsDö2ä يقول...

الله ...
حلوة قوي يا روشا ...
و إحساسها عالي قوي ...
جيتي ع الجرح ... :(

تسلم ايدك يا جميل ... (f)
إلا صحيح انتِ روشا .. عين حروس ... ؟؟!!
و لا النمره غلط ... ؟؟!! D:

Isra2Sakr يقول...

اهلا فسدقه

ايوه ياقمر انا عين حورس

والنمره صح الصح

نورت البلوج ياقمر

Isra2Sakr يقول...
أزال المؤلف هذا التعليق.