مسكت بإيدى الريموت
وقولت ادور عن مسلسل
لقيت مذيعه عماله تحكى
عن حصار وضرب وقوات بتقتل
قولت سيبك ياستى منه
ده الكلام ده شبعنا منه
قولى احسن نكته او حكايه
ولا حتى قولى ايه النهايه
قولت لما تانى اقلب
يمكن الاقى حكايه تطرب
لقيت انسان تانى خالص
بس ده خلانى لايص
اسمع كلامه ولا اطنش
ده بيقول دور وفتش
افتح قلبك شوف ايه فيه
ربك فيه معاه ولا عليه
اسمع يابنى كلام الدين
وقلد طبع رسوله الأمين
وفجأة نزلت من عينى دمعه
بس ياترى دى توبه ولا كذبه
لا دى توبه وكمان نصوحه
بس يارب تقبلها منى
سيبت الريموت وفضلت ابكى
واقول يارب اعفو عنى
roshy
ليست هناك تعليقات:
إرسال تعليق