إمبارح شوفتك فى منامى
بداية الحلم مشينا طريق
ودخلنا جنينه
عارف الورده اياها
كانت ويانا
طب فاكر برضه !
فستانى الأزرق
كنت انا لابساه
كملنا طريقنا
وانا إيدى فى إيدك
ميلت عليك
وهمست فى ودنك
أنا برضه بحبَك
بصيت فى عنيك
وقالتلى بحبِك
نسينا اننا ماشين
ندخل فـ طريق
نخرج م التانى
وأسمع فى كلامك
وكانه أغانى
صحيت على صورتك
كانت قدامى
بصيت فـى الصورة
وقعدت أحكيلها
وأوصف فى منامى
ليست هناك تعليقات:
إرسال تعليق