يمكن

هو ده ؟!

حبيته يمكن

صعب أه

لكنه ممكن

مستحيل ؟!

اعيش معاه !

اهو ده لا يمكن

قلبه هو مش معاه

مع تانيه غيرى

جايز كمان اتنين تلاته

بس قلبى معايا ملكى

مستحيل اديه لغيرى

بحلم أنا ؟!

ليه ما يمكن

بيحبنى ؟!

برضه ممكن

أخته أنا ؟!

لأ مستحيل

وكمان لا يمكن

بس الأكيد إنى بحبه

وبحلم كمان اكون معاه

جايز وممكن

...........

بيحبنى ؟!

فعلا صحيح

حبيته امتى ؟

وازاى وليه ؟!

بيحب هو فيا ايه ؟!

بنحب بعض

هنعيش لبعض

كان حلم اه

لكن حقيقته اجمل كتير

م المستحيل

هعيش معاه ؟!

واكون فداه ؟!

خلاص هنعمل بيت صغير

نحلم سوا

بجناحتنا كمان نطير

زى الورق ويا الهوا

فعلا صحيح فى محال

جايز وممكن

لو مستحيل

بالصبر يمكن

بالحب يبقى أكيد وممكن

Roshy